Tíðarfreistir og tíðarætlanir fyri løgtingslógaruppskot í tingsetuni 2024
Tingsetan byrjar ólavsøkudag og endar á ólavsøku árið eftir.
Tíðarætlan fyri uppskot við gildiskomu 1. januar 2025
Hvat skal henda? | Nær |
---|---|
Eftirkanning | 30. september |
At senda á landsstýrisfund | 9. oktober, kl. 13.00 |
Seinasti landsstýrisfundur | 15. oktober |
Latast tinginum | 21. oktober, kl. 12.00 |
Framløga í tinginum | Aðrenn 5. november |
Gildiskoma | 1. januar 2025 |
|
|
Tíðarætlan fyri at verða viðgjørd í hesi tingsetuni
Hvat skal henda? | Nær |
---|---|
Eftirkanning | 3. februar 2025 |
At senda á landsstýrisfund | 12. februar 2025, kl 13.00 |
Seinasti landsstýrisfundur | 18. februar 2025 |
Latast tinginum | 21. februar 2025 kl. 12.00 |
Framløga í tinginum | Áðrenn 8. mars 2025 |
Fíggjarlógin og játtanarkarmar
Uppskotið til løgtingsfíggjarlóg fyri 2025 og møgulig fylgilógaruppskot skulu latast tinginum 23. september 2024. Framløga verður 30. september.
Uppskot til játtanarkarmar skal latast tinginum 24. mars. Framløga verður 31. mars 2025.
Ger tær tína egnu tíðarætlan her.
Kunning frá løgtinginum um freistir
Kunning frá løgtinginum um í sambandi við tingmál løgtingsárið 2024 er her.
Eftirkanning og ummæli
Øll uppskot skulu vera eftirkannað á lógartænastuni í Løgmálaráðnum, áðrenn tey verða sett á skrá til politiskan landsstýrisfund. Lógaruppskotini skulu eisini hava verið til ummælis hjá viðkomandi pørtum, áðrenn tey verða send til eftirkanning, so at viðmerkingarnar frá ummælispørtunum eru viðgjørdar av viðkomandi stjórnarráði áðrenn eftirkanningina.
Mannagongdir
Í uppritinum “Samskipa politisk mál” er skipan og mannagongd viðv. landsstýrisfundum ásett. Sí uppritið á tinganes.fo her.
Mannagongdir hjá Løgtinginum viðv. løgtingsmálum og freistum er her.