Heimild til kommunur at yvirvaka serliga útsett øki, sum verður nýtt til vanliga ferðslu, við vakmyndatóli

Uppskot til Løgtingslóg um broyting í løgtingslóg um yvirvøku við vakmyndatóli (Heimild til kommunur at yvirvaka serliga útsett øki, sum verður nýtt til vanliga ferðslu, við vakmyndatóli)

Endamálið við uppskotinum er at geva kommunum heimild at yvirvaka serliga útsett øki, sum verður nýtt til vanliga ferðslu, við vakmyndatóli fyri at økja um trygdina í økinum. 

Í uppskotinum verður skotið upp, at eitt kommunustýrið í samráð við politiið og eftir tilmæli frá politinum, kann yvirvaka øki, sum verður nýtt til vanliga ferðslu, við vakmyndatóli.  Hetta fyri at økja um trygdina á serliga útsettum støðum í kommununi.

Møguligar viðmerkingar kunnu sendast Løgmálaráðnum á teldupost lmr@lmr.fo í seinasta lagi mikudagin 5. novembur 2025.

Uppskot Til Ll. Um Broyting Í Ll. Um Yvirvøku Við Vakmyndatóli (Heimild Til Kommunur At Yvirvaka Serliga Útset Øki, Sum Verður Nýtt Til Vanliga Ferðslu, Við Vakmyndatóli)