Revsilógin verður broytt

Løgtingslóg um broyting í løgtingslóg um revsing (Revsilógin)

Við uppskotinum verður ein nýggj áseting sett inn sum § 229 í kapittul 24, kynslig brotsverk. Ásetingin viðvíkur lokking (grooming). Samstundis verður § 225 víðkað til at fevna um kynslig avnoyðsla (sextortion). Somuleiðis verður § 228 víðka til eisini at fevna um lokking.

Uppskotið inniber yvirskipa hetta:

1. § 225, sum viðvíkur aðrar kynsligar gerðir enn samlegu, verður víðka til at fevna um føri, tá ið gerningsmaðurin fær órættaða til at fremja kynsligar gerðir á seg sjálvan.
2. § 228 sum ásetir á brot á ávísar ásetingar í revsilógini kann revsast, hóast gerningsmaðurin bert hevur verið ósketin í mun til tilstandin ella aldurin hjá órættaða, verður víðka til eisini at fevna um lokking.
3. Nýggj § 229 verður sett inn kapittul 24, sum viðvíkur lokking. Ásetingin ásetir at tann verður revsaður, sum miðvíst ella við snildir og við at misnýta sína yvirvág í aldri og royndum byggir upp eitt samband til ein persón undir 18 ár við ætlan um at fremja kynsligt brotsverk móti viðkomandi.

Uppskotið verður sent hesum pørtum til ummælis:

• Føroya Rætti
• Føroya Landfúti
• Kriminalforsorgini
• Fróðskaparsetur Føroya
• Føroya Advokatfelag
• Almanna- og mentamálaráðnum
• Barna- og útbúgvingarmálaráðnum
• Heilsumálaráðnum
• Føroya Kommunufelag
• Barnaverndarstovuni
• Barnabata
• Brotsfrøðifelag Føroya
• MEGD
• Amnesty International Føroyar
• Føroya Politistafelag
• Føroyskir Sálarfrøðingar
• Etiska Ráðnum
• KRIS
• Kvinnuhúsinum
• Kvinnufelagnum í Havn
• Kvinnusamskipan Føroya

Uppskot Til Broyting Í Revsilógini (Kynslig Avnoyðsla Og Lokking)